बज्जिकाञ्चल संवाददाता,रौतहट,०१ गते वैशाख ।

विक्रम सम्वतके औपचारिक सुरुआत आजुसे भेल हए । विक्रम सम्वतके सुरुआत चैत महिनाके इजोरियाके परिवा तिथिके भेल हए मगर नेपालके औपचारिक सम्वतके रुपमे रहल विक्रम सम्बत बैसाख १ गतेसे सुरु भेल हए ।

नेपालमे नयाँ साल बैसाख १ गतेसे सुरु होएते देशभरमे नयाँ सालके खुसियाली मनाएलगेल हए । एही बिच नयाँ सालके दिन बज्जिकांचल समाजमे सतुआ खाके मनाएल जाइअ ।

सबसे पहिले अपना घरके निमनसे निपपोतके घरके देओतापर सतुआ, मिठा चाहे चिनी आ टिकोलाके चटनी चढाओल जाइअ । सतुआनके दिन परम्परासे ही सतुआ चढाबेके आ खाएके चलन रहल हए । सतुआ खाके लोग सतुआन मनएले हए ।