बज्जिकाञ्चल संवाददाता,रौतहट,०१ गते वैशाख ।

रौतहटके साँसद लोग जनतासे भेटघाटमे व्यस्त रहल देखलगेल हए । रौतहट क्षेत्र नम्बर १, ३ आ ४ के माननीय साँसद लोग जनतासे प्रत्यक्ष भेटघाटमे कार्यक्रम बनाके ही व्यस्त रहल छत ।

प्रतिनिधि सभाके अधिवेशन सम्पन्न होएलाके बाद साँसद लोग जिलामे पहुँचके अपना मतदाता आ जनतासे भेटघाट कररहल छत ।

कुछ लोगके मोताबिक केन्द्रीय निर्देशनके मोताबिक ही माननीय साँसद लोग सर्वसाधारणसे भेटघाट, छलफल करइत राय सुझाव लेरहल छत । जनतासे प्रत्यक्ष भेटघाट कएलासे सर्वसाधारण भी सन्तुष्ट देखल जारहल हए । जनता भी खुलके अपना साँसदसे अपन बात करहल देखलगेल हए ।