रामअधार यादब,रौतहट,०७ गते जेष्ठ ।

अत्यधिक चढइत गर्मीके बिचमे बिफेके हल्का वर्षा भेल हए । हल्का वर्षासे सर्वसाधारणके कुछ राहत मिलल हए । बिफेके दिन सबेरे करिब ९ बजे हल्का वर्षा होएलासे अत्यधिक गर्मीके तपसमे कुछ कमी आएल हए । अत्यधिक गर्मीसे रातमे भी सुतेमे दिक्कत होगेल रहे । बहुत जोरसे घाम उगेके आ रातमे भी पंखाके हावा गरम लागेके जइसन समस्यासे सर्वसाधारण परसान होगेल रहे । दिनमे घामके पहर काम करेमे बहुत दिक्कत होखेके आ रातके समय भी गर्मी रहलासे सर्वसाधारणके गर्मीसे बहुत परसानी होरहल अवस्थामे बिफेके सबेरे मध्यरौतहटमे आएल वर्षासे कुछ राहत मिलल हए । सबेरे भेल बरखाके बाद भी दिनभर छिटफुट बादल लागल रहल आ हावा चललासे मौसम सर्वसाधारणके अनुकुल रहल देखलगेल हए । अचानक मौसममे आएल परिवर्तनसे सर्वसाधारण बहुत खुस भेल हए । जनजीवन कुछ सरल भेल हए । हल्का वर्षासे सर्वसाधारणके कुछ राहत भेल हए मगर कुछ आउर वर्षाके अपेक्षा सर्वसाधारण कएले हए । धानके बिआ गिराबेके तैयारी कररहल सर्वसाधारण किसान कुछ आउर बेसी वर्षाके चाहत रखले हए ।