सागर संगम ठाकुर, रौतहट, कार्तिक १७ गते ।

रौतहटके कटहरियासे प्रसारण होत आवे वाला बज्जिकाञ्चल एफएम ८९।२ मेगाहर्जके साप्ताहिक कार्यक्रम ‘पुरस्कार ५ सय’ के विजेता देवाही गोनाही नगरपालिका–९, धरहरी निवासी विद्यार्थी शोनु गुप्ताके ५०० रुपइया नगद पुरस्कार प्रदान कएल गेल हए।

हरेक शनिचर के दुपहरिया ३ः१५ बजे से ४ बजे तक संचालन होइत आवे वाला एह कार्यक्रममे सहभागी विद्यार्थी सभमे से उत्कृष्ट प्रदर्शन करे वाला विजेताके नगद तथा अलग(अलग सामग्री पुरस्कार देके सम्मानित कएल जा रहल हए।

पिछला शनिचर के आयोजित कार्यक्रममे विजेता बनल नितेश गुप्ताके सोमदिन पुरस्कार प्रदान कएल गेल हए।

विजेता नितेश गुप्ताके बज्जिकाञ्चल एफएमके स्टेशन मैनेजर सागर संगम ठाकुर आ सम्पादक रामअधार यादव संयुक्त रूप से ५०० रुपइया नगद पुरस्कार प्रदान कएलन।

एह कार्यक्रमके संचालन भैरो लाल महतो करत आवतइ हए। कार्यक्रमके प्रभावकारी बनावे मे श्री माध्यमिक विद्यालय उचिडिहके प्रधानाध्यापक मुक्ति प्रसाद कुशवाहा आ श्री कोपिला प्राथमिक विद्यालयके प्रधानाध्यापक सुशीला कुशवाहा लगातार सहयोग करइत आवत हए।

बज्जिकाञ्चल एफएमके संचालक आरके श्रीवास्तव बतौलन कि आवे वाला दिनमे ‘पुरस्कार ५ सय’ कार्यक्रमके खाली रेडियो प्रसारण तक सीमित नइखे रखे के।

एकरा के अलग(अलग विद्यालय आ समुदायमे प्रत्यक्ष रूप से भी संचालन करे के तैयारी चल रहल हए। एहसे विद्यार्थी सभके रेडियो कार्यक्रमके माध्यम से आपन प्रतिभा देखावे के अउरी अवसर मिली ओही तरह एफएमके प्रबन्ध निर्देशक सरिता कुमारी श्रीवास्तव बतवली कि विद्यार्थी सभके ज्ञान, प्रतिभा आ क्षमता विकास करे के संगे(संगे ओहनी के प्रतिस्पर्धात्मक वातावरणमे आगे बढ़ावे के उद्देश्य से ई अभियान चलावल जा रहल हए। आवे वाला समयमे एह कार्यक्रमके अउरी प्रभावकारी बनावे आ अधिक से अधिक विद्यालय तथा समुदाय तक पहुँचावे के योजना बनावल जा रहल हए।