रौतहट । नेपाल विद्युत प्राधिकरण मौलापुर वितरण केन्द्र शनिचरके कटहरिया फिडर अन्तर्गतके विभिन्न क्षेत्रमे करीब ८ घण्टा बिजली सेवा बन्द रहेके जानकारी देले हए।

वितरण केन्द्रले जारी कएले सूचनाके अनुसार २०८३ साल असोज ३ गते शनिचर, मौलापुर सबस्टेशनसे प्रसारित ११ केभी कटहरिया फिडर अन्तर्गत बुस कटिङ अर्थात् गाछीके झारपात काटेके काम करे परलासे बिहान ९ बजके ३० मिनेटसे साँझ ५ बजके ३० मिनेटतक बिजुली सेवा बन्द रहके जानकारी देले हए ।

बिजली सेवा बन्द रहेवाला क्षेत्रमे कटहरिया नगरपालिका वडा नम्बर १ से ९ तकके सभ क्षेत्रके साथे देवाही गोनाही नगरपालिका अन्तर्गत टिकुलिया, कर्कच आ पिप्रा क्षेत्र रहल हए।

नेपाल विद्युत प्राधिकरण मौलापुर वितरण केन्द्रले निर्धारित समयसे पहिले बुस कटिङके काम पूरा भ गेल त बिजली सेवा ओही अनुसार पहिले सञ्चालन करेके जनएले हए।

बिजली सेवा बन्द होएसे उपभोक्ताके पड़एवाला असुविधाप्रति मौलापुर वितरण केन्द्रले क्षमा मागले हए आ निर्धारित समयमे आवश्यक सहयोग करेके लेल सभ उपभोक्तासे आग्रह कएले हए।