बज्जिकाञ्चल संवाददाता,रौतहट,०४ गते वैशाख । 

रौतहटसे फरार रहल एक जने पोखरामे पक्राउ परल हए । जेन्जी आन्दोलनके हल्ला आ भिराह स्थितिके मोकामे रौतहट कारागारसे फरार रहल एक जने कैदी पोखरामे पक्राउ परल हए । हाडनाता बजरजस्ती करणी जइसन गम्भीर अपराधमे २५ बरस कैद सजायमे रहल ३० बरसके केदार परियारके कास्की प्रहरी पोखराके पृथ्वीचौकसे नियन्त्रणमे लेले हए । भादो २४ गतेके आन्दोलनके क्रममे जेलसे भागल परियार बहुत लम्बा समयतक फरार रहते आएल हए । लेकिन प्रहरीके निगरानीसे परियार बहुत दिनतक फरार रहे नसकल । वडा प्रहरी कार्यालय बैदामके टोली बिफेके पक्राउ कके परियारके कास्की कारागारमे पेठएले हए । रौतहटके चन्द्रपुर १० के रहनिहार परियारके १८ बरस ४ महिना कैद सजाय भुक्तान करेके बाँकी रहल जानकारी प्राप्त भेल हए ।