आरके श्रीवास्तव, रौतहट, कातिक ७ गते ।

रौतहट । प्रेस मञ्च नेपाल मधेश प्रदेश कार्यसमिती राज नारायण पटेलके रौतहट जिल्ला कार्यवाहक अध्यक्षके जिम्मेवारी देले हए। मधेश प्रदेश समितिके सचिवालयके निर्णय अनुसार पटेलके जिल्ला कार्यवाहक अध्यक्षके जिम्मेवारी देइत जिल्ला अधिवेशन सम्पन्न करावेके दायित्वो सौंपल गेल हए।

रौतहटके बौधिमाई नगरपालिका–२, इनर्वा निवासी पटेलके संगठनके गतिविधि विस्तार आ सुदृढ़ बनावेके उद्देश्यसे ई जिम्मेवारी देहल गेल हए। प्रेस मञ्च नेपाल मधेश प्रदेश कार्यसमिती ई जानकारी देले हए।

प्रदेश कार्यसमितिद्वारा जारी पत्रमे प्रचारप्रसार, समाचार सम्प्रेषण आ तोकल गेल जिलासभमे संगठनात्मक गतिविधिके समन्वय करेके जिम्मेवारी पटेलके देहल गेल उल्लेख कइल गेल हए। एहिसे साथे संगठनके हितमे जरूरी काम करेके जिम्मेवारी भी सौंपल गेल हए।

प्रेस मञ्च नेपाल मधेश प्रदेशके अध्यक्ष अभरेन्द्र कुमार यादवद्वारा जारी जिम्मेवारी पत्रमे पटेलके सफल कार्यकालके शुभकामना देइत उनकर नेतृत्वमे संगठनके विस्तार आ सुदृढ़ीकरण होखेके विश्वास व्यक्त कइल गेल हए।

पटेलके जिम्मेवारी मिललासे रौतहट जिलामे संगठनके आउर सक्रिय, व्यवस्थित आ प्रभावकारी बनावेके अपेक्षा कइल गेल हए। साथे, उनकर नेतृत्वमे जिल्ला अधिवेशन सम्पन्न होखेके उम्मीद भी कइल गेल हए।

प्रेस मञ्च नेपाल मधेश प्रदेश कार्यसमिती पत्र संख्या ०८३/०८४, चलानी नम्बर २३ आ मिति २०८३ कातिक ५ गतेके पत्रमार्फत पटेलके ई जिम्मेवारी देले हए।