रामअधार यादव , रौतहट, असिन, ३१ गते ।

बज्जिकाञ्चल एफएम ८९.२ मेगाहर्जके ओर से रौतहटके फतुवा विजयपुर नगरपालिका–१ स्थित बैरगनिया बजारमे ‘क्यूरी स्वाद संवाद’ कार्यक्रम सम्पन्न भेल हए ।

क्यूरी मसालाके प्रायोजन आ कटहरियामे स्थित निराला जनरल स्टोरके सहयोग से हर शुक के दुपहरिया ३स्१५ बजे से ४ बजे तक प्रसारित होए वाला एह कार्यक्रममे स्थानीय लोग बढ चढ़के हिस्सा लेलन ।

कार्यक्रमके प्रस्तोता राजेश निर्माणी स्थानीय श्रोतासब से रोजमर्राके खाना बनावेके तरीका आ क्यूरी मसालासे जुडल सवाल पूछलन ।

सही जवाब देवेवाला प्रतिभागीसब के तुरन्ते पुरस्कार भी देहल गेल हए । कार्यक्रममे करीब १६ गो स्थानीय श्रोता शामिल भेलन ।

सीताराम पटेल, रूपेश कुमार, विजय यादव, जयमंगल दास महाराजी, सुरतिया देवी आ रौनिस यादव समेत कए गो लोग कार्यक्रममे हिस्सा लेलन ।

बज्जिकाञ्चल एफएमके सञ्चालक आरके श्रीवास्तव कहलन कि रेडियो खाली समाचार आ मनोरञ्जन तक सीमित न हए बल्कि स्थानीय जनता के आवाज आ समस्या के प्राथमिकता देईत आ रहल हए ।

प्रबन्ध निर्देशक सरिता कुमारी श्रीवास्तव आ निराला जनरल स्टोरके सञ्चालक महाशक्ति निराला भी कहलन कि ई तरहके कार्यक्रम से रेडियो आ स्थानीय समुदाय के बीच सम्बन्ध मजबूत हो रहल हए ।

एफएम आगे भी अलग अलग जगह पर अइसन कार्यक्रम जारी रही ।