सागर संगम ठाकुर, रौतहट, असोज २८ गते।

रौतहटके कटहरियासे प्रसारित होखे वाला बज्जिकाञ्चल एफएम ८९।    २ मेगाहर्ज पर हर शनिचर प्रसारित होखे वाला लोकप्रिय बौद्धिक कार्यक्रम ब्रेन चेक के विजेता निरज साहके पुरस्कार देल गेल हए ।  पिछला शनिचर के कार्यक्रममे बढयिा प्रदर्शन करके विजेता बनल कटहरिया नगरपालिका(७, बगही निवासी निरज साहके सोमदिन एगो कार्यक्रमके बीच पुरस्कार देल गेल हए ।

हर शनिचर बिहान ११ बजेसे दुपहरिया १२ बजे तक प्रसारित होखे वाला ब्रेन चेक कार्यक्रममे बाल कल्याण विद्या मन्दिर कटहरिया ओरसे पुरस्कार देल जाला । कार्यक्रमके विजेता साहके श्री बाल कल्याण विद्या मन्दिर इङ्लिस बोर्डिङ स्कुल, कटहरियाके सञ्चालक बैजु दास कथ्बनियाके ओरसे उपलब्ध करावल गेल पुरस्कार बज्जिकाञ्चल एफएमके स्टेशन म्यानेजर सागर संगम ठाकुर आ कार्यक्रम प्रस्तोता जयलाल यादव संयुक्त रूपसे प्रदान कएलन ।

बज्जिकाञ्चल एफएमके स्टेशन पर आयोजित पुरस्कार वितरण कार्यक्रममे स्टेशन म्यानेजर सागर संगम ठाकुर, समाचार सम्पादक आरएन पटेल आ रामअधार यादवके उपस्थिति रहल । एह मौका पर बज्जिकाञ्चल एफएमके प्रबन्ध निर्देशक सरिता कुमारी श्रीवास्तव कहलन कि अएसन ज्ञानवर्धक कार्यक्रमसे विद्यार्थी आ युवासबके सामान्य ज्ञान, तर्क करेके क्षमता आ आत्मविश्वास बढावे मे महत्वपूर्ण भूमिका खेलले हए । रेडियोके माध्यमसे स्थानीय प्रतिभाके पहचान करके प्रोत्साहित करेके ई काम सकारात्मक रहल हुन सबके कहनाम रहल ।

ब्रेन चेक कार्यक्रमके प्रस्तोता जयलाल प्रसाद यादव हउअन । एह कार्यक्रममे अलग(अलग विषयसे जुडल ज्ञानवर्धक आ बौद्धिक सवाल पूछल जाला । एह कारण विद्यार्थी आ श्रोता सबके बीच ई कार्यक्रम लोकप्रिय बनत जा रहल हए । बज्जिकाञ्चल एफएम स्थानीय विद्यार्थी आ युवासबके प्रतिभा पहिचान करेके आ प्रोत्साहित करेके उद्देश्यसे अएसन सहभागितामूलक कार्यक्रमके लगातार सञ्चालन करत आ रहल हए । एह तरहके कार्यक्रमसे ग्रामीण क्षेत्रके विद्यार्थी सबके अपना ज्ञान आ प्रतिभा देखावेके मौका मिल रहल हए ।