सागर संगम ठाकुर,रौतहट असोज १२ गते

राष्ट्रिय स्वतन्त्र पार्टी (रास्वपा) कटहरिया नगर सभापति भिखारी पंडित अपन लमहर राजनीतिक यात्राके क्रममे विभिन्न राजनीतिक दलमे सक्रिय भेके काम करेके आ पछिल्ला समय नयाँ राजनीतिक विचार आ परिवर्तनके अपेक्षासहित रास्वपामे आबद्ध भेल बतएले हए । बज्जिकाञ्चल एफएम ८९।२ मेगाहर्जके ‘बजिकाञ्चल बहस’ कार्यक्रममे पत्रकार आरके श्रीवास्तवसँघे बातचीत करईत हुन अपन राजनीतिक यात्राबारे विस्तृत जानकारी देलन । कार्यक्रममे हुन अपन राजनीतिक सक्रियता नेकपा एमालेसे सुरु भेल, तेकराबाद माओवादी केन्द्रमे आबद्ध भेल आ लमहर समयतक विभिन्न राजनीतिक गतिविधिमो सक्रिय रहल बतएलन ।

हुनकर अनुसार एमालेमे रहईत पार्टीके विचार आ संगठनमे सक्रिय भेल भि समय क्रममे अपनासे पार्टीभित्र देखले गतिविधिप्रति असन्तुष्टि उत्पन्न भेलाबाद माओवादीमे प्रवेश कएले हए । माओवादीमे समेत करिब सात–आठ वर्ष सक्रिय रहल आ संविधानसभा निर्वाचन आ सशस्त्र द्वन्द्वकालमे समेत राजनीतिक भूमिकामे रहल हुन बतएलन ।माओवादीबाद पुनः एमालेमे आबद्ध भेके लमहर समयतक पार्टी आ निर्वाचन गतिविधिमे सक्रिय भेल उल्लेख करईत हुन स्थानीय निर्वाचनमे अपनासे टिकट पाबेके अपेक्षा करके भि अन्तिम समयमे टिकट नपएलाबाद लोकतान्त्रिक समाजवादी पार्टीसे निर्वाचन लडले बतएलन । उक्त निर्वाचनमे अपनासे उल्लेख्य मत प्राप्त करेके हुनकर कहनाम हए ।

पछिल्ला समय रास्वपाके नयाँ राजनीतिक धारणा, भ्रष्टाचार नियन्त्रण, सुशासन आ परिवर्तनके नारासे प्रभावित भेके पार्टीमे आबद्ध भेल हुन बतएलन । रास्वपासे धीरज पटेल उम्मेदवार बनलाबाद अपनासे हुनके सहयोग करईत गाउँ–गाउँमे पुगके मत मागंले आ निर्वाचन अभियानमे सक्रिय भूमिका निर्वाह करेके हुन जानकारी देलन । हुन निर्वाचन अभियानके क्रममे सीमित स्रोतसाधनके बीच स्थानीय युवासबके साथमे लेके जनतासँघे प्रत्यक्ष भेटघाट करेके बतएलन । जनताके विश्वास आ सहयोगके कारण रास्वपा उल्लेख्य मत प्राप्त करेके हुनके दाबी हए । पंडित कटहरिया नगरपालिकाके नौगो वडामे संगठन विस्तारपंडित कटहरिया नगर सभापतिके जिम्मेवारी पएलाबाद नगरपालिकाके नौगो वडामे संगठन विस्तार करेके वडा कमिटी गठन कएले हुन जानकारी देलन ।

हुनकर अनुसार विभिन्न टोल आ समुदायके नागरिकके समेटईत पार्टीके संगठनके स्थानीय तहतक विस्तार करके काम करेके दावी कएलगेल हए । कार्यक्रममे पार्टीके लेटरप्याड दुरुपयोग आ नक्कली हस्ताक्षरसम्बन्धी विषयमे समेत प्रश्न उठएले हए । जवाफमे नगर सभापति भिखारी अपन हस्ताक्षर नकरेके पत्रमे अपन नक्कली हस्ताक्षर प्रयोग करके सामाजिक सञ्जाल आ मोबाइलमार्फत प्रचार कएले दाबी कएलन । उक्त विषयमे कएले प्रचार सत्य नभेल आ अपनाके बदनाम करेके उद्देश्य पार्टीभित्रके व्यक्तिसे यईसन गतिविधि भेल हुनकर आरोप हए । अईसही, सामाजिक सञ्जालमे अपनाके वडा अध्यक्ष, नगर प्रमुख आ अन्य पदके उम्मेदवारके रूपमे प्रस्तुत करेके प्रवृत्तिबारे हुन पार्टीके आधिकारिक उम्मेदवारी प्रक्रिया पूरा नभेलतक तेईसन व्यक्तिगत घोषणाके पार्टीके आधिकारिक धारणा मान नसकल बतएलन ।

हुनके अनुसार उम्मेदवार छनोटमे स्थानीय तहसे प्रदेश आ केन्द्रीय तहतकके प्रक्रिया रहल भेलासे सामाजिक सञ्जालमे उम्मेदवारी घोषणा करईतमे टिकट सुनिश्चित नभेल बतएलन । सांसदके कामप्रति सन्तुष्टिक्षेत्र नम्बर ३ से निर्वाचित सांसद धीरज पटेलके कार्यसम्पादनबारे नगर सभापति भिखारी अपन सन्तुष्ट रहल बतएलन । सांसद जनताके फोन उठएले, समस्या सुनेके आ आवश्यक विषयमे सम्बन्धित निकायसँघे समन्वय करेके कराबेके हुनके दाबी हए । पटेल सांसदमे निर्वाचित भेल कुछ समय मात्र भेलासे तत्काल सबे विकास निर्माणके परिणाम खोजेके नभेल बताबईत हुनके संघ, प्रदेश आ स्थानीय सरकारके अपन–अपन अधिकार आ जिम्मेवारी रहल उल्लेख कएलन । सडक, स्थानीय पूर्वाधारलगायतके कतिपय काम स्थानीय आ प्रदेश सरकारके जिम्मेवारीमे परल हुनके कहनाम हए ।

स्वास्थ्य आ शिक्षाके क्षेत्रमे समेत सांसद चासो देखाबईत विभिन्न स्थानमे पुगके जनताके समस्या बुझेके परआस कररहल हुन बतएलन । जनतासँघे प्रत्यक्ष सम्पर्कमे रहके काम करेके नेतृत्व आवश्यक रहल हुनके धारणा हए । कटहरियाके विकासमे जोडले कटहरिया क्षेत्र नम्बर ३ के महत्वपूर्ण केन्द्र रहल उल्लेख करईत हुन कटहरियाके विकासके लेल अपनासबके निरन्तर आवाज उठाबईत आएल बतएलन । अभि अपनासबसँघे सरकार सञ्चालन करेके अधिकार आ विकासके लेल प्रत्यक्ष बजेट नभेल भि जनताके समस्या उठाबेके आ सम्बन्धित निकायके ध्यानाकर्षण कराबेके काम जारी राखले हुन बतएलन ।

स्थानीय तहमे अबेबाला दिनमे पार्टी उम्मेदवार उठाबेके विषयमे हुन पार्टीके निर्णय आ प्रक्रियाअनुसार अगाडी बढल संकेत कएलन । अपन जबकि अभि जनताके काममे सक्रिय भेके गाउँ–गाउँ पुगरहल हुनके कहनाम हए । युवाके स्वदेशमे रोजगारी आवश्यककार्यक्रममे युवाके विदेश पलायन, रोजगारी आ उद्योग–व्यवसायके विषयमे समेत चर्चा कएले हए । नगर सभापति भिखारी सरकार युवाके स्वदेशमे रोजगारी उपलब्ध कराबेके वातावरण निर्माण करेकेपरि बतएलन । देशमे बन्द आ कमजोर अवस्थामे रहल उद्योग–कारखानाके सञ्चालनमे लेएबईत नयाँ उद्योग स्थापना करेके सकले युवाके स्वदेशमे रोजगारी दिन सकल हुनके कहनाम हए ।

पाँच वर्षके लेल बनल सरकार कुछ महिनामे सब परिणाम दिन नसकल कहईत आबेबाला दिनमे क्रमशः रोजगारी आ उत्पादनके क्षेत्रमे सुधार हुन विश्वास हुन व्यक्त कएलन । किसान मलखादके अभाव भोगेके नपरो कहलेओर भि सरकार ध्यान देबेपरि हुन बतएलन । कृषि क्षेत्रके आवश्यक मल, बीआ आ अन्य सामग्री समयमे उपलब्ध कराबेकेपरलमे हुन जोड देलन ।