बज्जिकाञ्चल संवाददाता, रौतहट ।

रौतहट, ११ आसीन । निरन्तरके वर्षाके कारण लालबकैया नदीमे पानीके सतह खतराके तह लगमे पुगल हए । नदीमे जलस्तर तीव्र रूपमे बढे लगल हए आसपासके तटीय क्षेत्र आ होचा भू(भागकोबासिन्दाके उच्च सतर्कते अपनाबेके आग्रह कएले हए ।

एतबार सबेरे ७ २४ बजेके पछिल्ला अपडेटअनुसार बाराके निजगढस्थित लालबकैया नदी मापन केन्द्रमे पानीके सतह २३८ सेन्टिमिटर पुगल हए । उ स्थानमे १५० सेन्टिमिटरके ‘चेतावनी तह’ आ २५० सेन्टिमिटरके ‘खतराके तह’ मानले हए । पानीके सतह अभि बढईत गेल जनएले हए । हाल नदीके जलस्तर चेतावनी तहसे ८८ सेन्टिमिटर उपर पुगसकल हए जबकि खतराके तह हए । १२ सेन्टिमिटर मात्र बाँकी रहल हए ।

नदीके बहाव अभि बढेके क्रममे रहलासे आसपासके बस्तीसबमे कटान आ डुबानके जोखिम उच्च बनएले हए । विशेषकरेके रौतहटके लालबकैया नदीके तटीय क्षेत्र आ होचा भू(भागमे बसोबास करेके नागरिके विशेष सावधानी अपनाबेके प्रशासन सूचित कएले हए ।

सम्भावित दाहर आ डुबानके जोखिमके ध्यानमे राखईत नदी किनार, पुल, घाट आ कटान होरहल क्षेत्रमे नजएके, बालबालिका आ वृद्धवृद्धाके विशेष देखदाख करेके आ आवश्यकता अनुसार समयमे सुरक्षित एवम् अलग स्थानमे जाएके अपिल कएले हए । ​

अईसहीकरके, स्थानीयवासीके महत्त्वपूर्ण कागजात, नगद, औषधि, मोबाइल आ आपत्कालीन सामग्री सुरक्षित प्याक करके राखेके आ स्थानीय प्रशासन, सुरक्षा निकाय आ जल आ मौसम विज्ञान विभागके आधिकारिक सूचनामे निरन्तर ध्यान दिन आग्रह कएले हए । पानी अपने घटीु कहईत नबसी पूर्वतयारीके साथ सतर्क रहल सरोकारवाला निकाय जोड देले हए ।