बज्जिकाञ्चल संवाददाता, रौतहट, असोज ९।

रौतहटके मौलापुर नगरपालिका–४ स्थित लालबकैया नदीके पुलसे कुदके एक युवक बेपत्ता भेल हए । बेपत्ता भेल बाराके कचोर्वा घर भेल करिब २७ वर्षीय सचिन्द्र यादव रहल हए ।

यादव उपचारके लेल मोटरसाइकलमे रौतहटके गरुडातर्फ जारहल करइत लालबकैया नदीके पुलमे पुगलाबाद मोटरसाइकल रोकके अचानक नदीमे कुदल प्रहरी जनएले हए ।

प्रहरीके अनुसार यादवके मानसिक अवस्था ठीक नभेल बतएले हए । पुलमे मोटरसाइकल रोकके अरामकएलाबाद हुन एक्कासि लालबकैया नदीमे कुदल रहे । तेकराबाद हुन नदीमे बेपत्ता भेल हए । घटनाके जानकारी प्राप्त होएके साथे नेपाल प्रहरी आ सशस्त्र प्रहरीके टोली घटनास्थलमे पुगल रहे ।

बेपत्ता यादवके खोजीके लेल सशस्त्र प्रहरीके गोताखोरसहित नेपाल प्रहरी आ सशस्त्र प्रहरीके २४ जनाके टोली परिचालन कएलगेल जिल्ला प्रहरी कार्यालय रौतहट जनएले हए । प्रहरी टोली लालबकैया नदीमे सम्भावित स्थानसबमे खोजी कार्य जारी राखले हए । पानीके बहाव तथा खोलाके अवस्थाके ध्यानमे राखईत गोताखोर परिचालन करके खोजी होरहल प्रहरी जनएले छत ।

घटनाबारे थप विवरण तथा यादवके अवस्था खोजी कार्यबाद मात्र यकिन होएके प्रहरी जनएले छत । मधेश टुडे