बज्जिकाञ्चल संवाददाता,रौतहट,१७ गते वैशाख ।

रौतहटमे बढइत देखलगेल हए । मधेश प्रदेश सरकारद्वारा हरेक जिलामे एगो डाक्टरके नियुक्ति करइत दबाइ भी देलजारहल हए जेकर फाएदा सर्वसाधारण उठारहल हए । एही क्रममे रौतहटके चन्द्रपुरस्थित आयुर्वैदिक तथा वैकल्पिक उपचार केन्द्रमे होमियोपैथी इलाज सुरु भेल हए । प्रदेश सरकारद्वारा नियुक्त डाक्टर रमनकुमार गुप्ता हौमियोपैथी पद्धतिसे इलाज कररहल छत ।

होमियोपैथी पद्धतिसे इलाज सुरु होएलापर अस्पालमे सेवा लेबे पहुँचेवालाके संख्यामे वृद्धि होरहल देखलगेल हए । अस्पतालमे दैनिक पन्द्रसे तीसगोतक विभिन्न किसिमके रोगी इलाजके लेल पुगरहल डा. गुप्ताके कहनाम हए । रोगीके समग्र रोगके इलाज करेके होएलासे लोगके विश्वसनीयता बढरहल हए । अस्पतालमे इलाज आ दबाइ पुरे निशुल्क रहल हए ।

एकेगो बेमारीके भी व्यक्तिके विशेषके आधारपर अलग दबाइ होसकेके होएलासे सम्बन्धित रोगीके देखलापर मात्रे इलाज होएवाला होमियोपैथी सेवाप्रति सर्वसाधारणको विश्वास बढरहल डा. गुप्ताके कहनाम हए ।

बेमारीके स्थायी इलाज होमियोपैथीमे होएलासे लोगके विश्वास बढरहल आ इलाजके लेल पुगल अधिकांश लोग सम्पूर्णतः सन्तुष्ट रहल डा. गुप्ता बतबइछत । सम्भव होएलातक कौनो भी किसिमके रोगी एकबेर होमियोपैथी सेवा लेके देखेला भी डा. गुप्ता आग्रह कएले छत ।