बज्जिकाञ्चल संवाददाता,रौतहट,१७ गते वैशाख ।

भारत बिहारके सीतामढी जिलाके एगो चर्चित साहित्यकार तथा कलाकार प्रीति सुमन अब डा. प्रीति सुमन बनल छत । साहित्यकार सुमन बिहारके समकालीन हिन्दी गजलके आलोचनात्मक अध्ययन शीर्षकपर विद्यावारिधि पूरा कएले छत ।

अपना सामाजिक संजाल फेसबुकपर साहित्यकार सुमन पिएचडिके यात्रा पूरा भेल जानकारी देइत खुसी व्यक्त कएले छत । प्रीति सुमनसे डा. प्रीति सुमनतकके यात्राके बहुत रोमांचक बतबइत साहित्यकार सुमन अपना पिएचडिके शोधकार्यमे सहयोग करेवाला सभीपर आभार व्यक्त कएले छत ।

अपना यात्राके डा. सुमन संघर्ष, धैर्य आ साहित्यके प्रति अटुट प्रेमके संगम भी बतएले छत । डा. सुमन शोध निर्देशक प्रोफेसर शत्रुघ्नशरण सिंह, विद्वत जुरी प्रोफेसर मिथिलेशकुमार सिंह, विभागाध्यक्ष प्रोफेसर मंगलारानी, संकायाध्यक्ष प्रोफेसर छाया सिन्हा, प्रोफेसर प्रणय गुप्ता, प्रोफेसर शिनारायणके सहयोग, मार्गनिर्देशनके प्रति भी आभार व्यक्त कएले छत ।

साहित्यकार सुमन पाटलिपुत्र विश्वविद्यालय पटनाके हिन्दी विभागसे पिएचडिके उपाधि प्राप्त कएले जानकारी करएले छत ।