बज्जिकाञ्च संवाददाता,सर्लाही,११ गते वैशाख ।

सर्लाहीके लालबन्दी नगरपालिका १६ परवानीपुरमे कृषि क्याम्पस निर्माणके लेल सार्वजनिक सुनवाइ कएलगेल हए । काठमाडौँ विश्वविद्यालयद्वारा परवानीपुरमे निर्माण कएल जारहल स्कुल अफ एग्रीकल्चरके पूर्वाधार निर्माण तथा शैक्षिक कार्यक्रम संचालन करेला आवश्यक जमिनके प्राप्तिके सन्दर्भमे प्रारम्भिक वातावरणीय परीक्षणके सम्बन्धमे विहीवार सार्वजनिक सुनवाइ कार्यक्रम कएलगेल हए ।

स्थानीय पुष्पलाल स्मृति पार्कमे नगर प्रमुख वासुदेव अधिकारीके अध्यक्षता तथा माननीय नीतिमा भण्डारीके प्रमुख आतिथ्यमे भेल कार्यक्रममे प्रदेश सभा सदस्य बेची लुंगेली, पूर्व राज्यमन्त्री शम्भुलाल श्रेष्ठ, नगर उपप्रमुख कल्पनामाया पाख्रिन, वडाध्यक्ष लोगके साथे विभिन्न राजनीतिक दलके अध्यक्ष आ पदाधिकारीलोग नगरमे कृषि क्याम्पसके स्थापना एगो गर्वके विषय रहल बतएले छत ।

परवानीपुरमे रहल वनके खाली जमिनमे कृषि क्याम्पस स्थापना कके सर्लाहीसहित आसपासके जिलाके साथे भारतके विद्यार्थीके भी विषय विषयके उँच शिक्षा अध्यापनके योजना बनएले नगर प्रमुख अधिकारी जानकारी करएले छत ।