रामअधार यादब, रौतहट, असोज २९ गते।
रौतहट आ बर्दिया जिला के उखु किसान  कृषि, वन तथा पर्यावरण मन्त्रालय १० करोड ४३ लाख रुपिया अनुदान निकासा कएले हए । पिछला आर्थिक बरिस मे उत्पादन भेल उख के आधार पर किसान के मिलेवाला अनुदान रकम मन्त्रालय सम्बन्धित जिला के कोष तथा लेखा नियन्त्रक कार्यालय (कोलेनिका) मे भेजले हए । मन्त्रालय के अनुसार, ई अनुदान रौतहट आ बर्दिया के कुल ४ हजार ८ सय ४२ गो उख किसान के बाँटल जाई।

किसान के रकम आसानी से मिले, एह कोलेनिका के माध्यम से सीधे बैंक खाता मे पैसा जमा करेके व्यवस्था मिलावल गेल हए । लमहर समय से अनुदानके इंतजार करत किसान के चाडबाड़ के समय मे रकम मिलेके उम्मीद बढ़ गेल हए । उख खेती करेवाला किसान के उत्पादन लागत, खाद, बीउ, सिंचाई, मजदूरी आ ढुलाई जइसन खर्च उठावन ।

अइसन स्थिति मे सरकार से मिलेवाला अनुदान किसानके लेल आर्थिक सहारा बन सकलन । उख खेती मधेश प्रदेश के रौतहट समेत कई जिला के किसान के आमदनी के महत्वपूर्ण स्रोत हए । किसान अपना खेत मे उख उत्पादन करके चीनी मिल आ दोसरा खरीदार के बेचेलन ।

बाकिर खेती मे बढ़ल लागत, समय पर भुगतान न मिलल आ उत्पादन के उचित मूल्य ना मिलला से किसान के आर्थिक समस्या झेले के परल  । सरकार उत्पादन पर आधारित अनुदान देके किसान के खेती के काम मे प्रोत्साहित करेके प्रयास करइत आएल हए