सामान्य लक्षणके बेवास्ता नकरेके चिकित्सक यादवके सुझाव
रौतहटके कटहरिया बजारमे सञ्चालनमे आएल वैद्यही हेल्थकेयर सेन्टर हस्पिटलमे कार्यरत डा। सुशील कुमार यादव सामान्य स्वास्थ्य समस्याके बेवास्ता नकरेके समयमे स्वास्थ्य परीक्षण कराबेके सुझाव देले हए ।

बजिकान्चल एफएमके ८९।२ मेगाहर्जके लोकप्रिय कार्यक्रम ‘बजिकान्चल बहसमे प्रस्तोता आरके श्रीवास्तव संद्दे कुराकानी करइत डाक्टर यादव बहुत पिसाब लागेके अत्यधिक पिआस लागेके पिसाबमे असामान्य रूपमे फिज देखलजइसन लक्षणके सामान्य रूपमे नलेके आग्रह कएलन ।

अइसन लक्षण मधुमेह वा मिर्गौलासम्बन्धी समस्याके संकेत होए नसकल कहइत समयमे अस्पताल पुगके जाँच कराबेके हुनकर कहनाम हए । हुन स्वस्थ देखल व्यक्ति भि उमेर आ स्वास्थ्य अवस्थाअनुसार नियमित स्वास्थ्य परीक्षण करेकेपरी बतएलन । बालबालिकाके समयमे आँखके परीक्षण कराबेकेपरी उमर बढइत जाँइत रक्तचाप, मधुमेह आ शरीरमे बोसो÷कोलेस्ट्रोलके मात्रा नियमित जाँच करेकेपरी हुन बतएलन । स्वास्थ्य समस्या सुरुमे सामान्य देखलाके बाद जटिल बन सकइअ भेलासे लक्षण देखलाबाद मात्र नहए रोगके जोखिम पहिचान करके भि नियमित स्वास्थ्य परीक्षण आवश्यक रहल डा।

यादव जोड देलन । इहे क्रममे हुन कटहरियास्थित वैदेही हेल्थकेयर हस्पिटल प्रा।लि।मा ओपीडी, प्रयोगशाला,अल्ट्रासाउन्ड,ईसीजी तथा फिजियोथेरापी लगायतके स्वास्थ्य सेवा उपलब्ध रहल जानकारी देलन । विशेषकरके स्ट्रोक, नसासम्बन्धी समस्या तथा दीर्घकालीन शारीरिक समस्यामे फिजियोथेरापी महत्वपूर्ण होएके हुनकर कहनाम हए । चिकित्सक यादव स्वस्थ जीवनके लेल समयमे स्वास्थ्य परीक्षण, सन्तुलित खानपान आ आवश्यक उपचारके प्राथमिकता देबेके सबसे आग्रह कएले हए ।