बज्जिकाञ्चल संवाददाता,  रौतहट ।

रौतहट । रौतहटके लालबकैया नदीमे तेज कटानके कारण तटबन्ध क्षेत्रमे जोखिम बढ़ल बा। नदीमे पानीके बहाव बढ़ला आ तटबन्धमे कटान शुरू भेला के बाद स्थानीय प्रशासन तथा सम्बन्धित निकाय नियन्त्रणके प्रयास तेज कएले हए।

मंगलबार कटानस्थलके निरीक्षण करे खातिर इलाका प्रहरी कार्यालय मौलापुरके प्रमुख प्रहरी निरीक्षकसहित उच्च शिक्षा अधिकारीके टोली घटनास्थल पर पहुँचके अवस्थाके निरीक्षण कएले हए। निरीक्षणके क्रममे कटान नियन्त्रण तथा तटबन्ध संरक्षणके काम तत्काल आगे बढ़ावेके आवश्यकता पर जोर देल गेल।

मौलापुर नगरपालिकाके वडा नम्बर–६ अन्तर्गत तटबन्धके उच्च जोखिममे पड़ल क्षेत्रमे नदीके तेज बहावके कारण कटान बढ़ रहल बा। स्थानीयवासीके अनुसार तटबन्धके समयमै संरक्षण नहि कइल गइल त आसपासके बस्ती तथा खेतीयोग्य जमीनमे पानी पसके थप क्षति हो सकेला।

कटानके अवस्थाके निरीक्षण करे खातिर मधेश प्रदेशके गृह, सञ्चार तथा कानुनमन्त्री फिरोज महतोसहित उच्च शिक्षा अधिकारी, स्थानीय जनप्रतिनिधि तथा सुरक्षाकर्मीके टोली सेहो घटनास्थल पर पहुँचले रहे। निरीक्षणके क्रममा बाढ़ नियन्त्रण तथा तटबन्ध संरक्षणके उपायबारे स्थानीयवासीसँ जानकारी लेल गेल।

स्थानीयवासीके कहनाम अनुसार तटबन्धके जोखिम क्षेत्रमे करीब ६ हेक्टर बराबर क्षेत्रफल प्रभावित होखेके अवस्था बनल बा। बाँस, बोरा तथा अन्य सामग्रीके प्रयोग करके नदीके बहाव रोकला आ कटान नियन्त्रण करेके प्रयास कइल जा रहल बा। नदीमे पानीके बहाव लगातार बढ़ रहल होखला से जोखिम कायम रहल स्थानीयवासी बतवले।