बज्जिकाञ्चल संवाददाता,रौतहट,२७ गते चइत ।

रौतहटके गढीमाई नगरपालिकाके नगर प्रमुख श्यामप्रसाद यादव एगो वडा कार्यालय भवनके उदघाटन कएले छत । गढीमाई  नगरपालिका वडा नम्बर ६ के वडा कार्यालयके एक समारोहबिच उदघाटन करइत नगर प्रमुख यादव अपन भवन होएलासे काम प्रभावकारी आ सहज होखेके विश्वास व्यक्त कएले छत । वडा नम्बर ६ धर्मपुर सिंगारमनमे नवनिर्मित भवनके उदघाटनके अवसर माधव नारायण नगरपालिकाके नगर प्रमुख बैजनाथ यादव, वडा नम्बर ६ के वडाध्यक्ष राम नरेश यादव, गढीमाई नगरपालिकाके नगर उपप्रमुख स्मिता कुमारी यादव, वडाध्यक्ष दीपेन्द्र श्रेष्ठ, तपेन्द्र यादव, लेखा प्रमुख कामेश्वर सहनी लगायतके कर्मचारी, जनप्रतिनिधि, संचारकर्मी तथा स्थानीयवासीके सहभागिता रहल रहे । अपांग मैत्री, पूर्ण सुविधा सम्पन्न ६ कोठलीके वडा कार्यालय भवनके निर्माण करिब एक करोड रुपैयामे भेल हए । दुसरका कार्यकालमे आके अपना समयमे ही वडा कार्यालय भवनके निर्माण सम्पन्न भेल वडाध्यक्ष राम सिंहासन यादव जानकारी करएले छत