बज्जिकाञ्चल संवाददाता,रौतहट,१६ गते चैत ।

भारतके पटनासे प्रकाशित एगो बज्जिका पत्रिकामे नेपालमे होरहल बज्जिका कार्यक्रमके खूब चर्चा रहल हए । राष्ट्रिय बज्जिका भाषा परिषद हाजीपुरसे प्रकाशित बज्जिका वार्षिकी २०२६ मे नेपालके रौतहट आ सर्लाहीमे भेल विभिन्न बज्जिका कार्यक्रमके खूब चर्चा रहल हए ।

सर्लाहीमे भेल बज्जिका महोत्सव, विभिन्न कृतिके लोकार्पण आ रौतहटमे भेल दुगो कार्यक्रमके खूब चर्चा रहल हए । रौतहटके बज्जिकानगर मिठुअवामे भेल अनिता शिव प्रतिष्ठानके पुरस्कार वितरण कार्यक्रम आ गरुडाके महम्मदपुरमे भेल विश्व–संजय बज्जिका साहित्य कोषके स्थापनाके खूब चर्चा कएलगेल हए ।

अइसही नेपालसे प्रकाशित होरहल सभी पत्रिकाके चर्चा भी कएलगेल हए । नेपालसे भारतके विभिन्न बज्जिका कार्यक्रममे पुगरहल लोगके भी पत्रिकामे चर्चा रहल हए । एहीबिच बज्जिका साहित्य समाज सर्लाहीके अध्यक्ष रामचन्द्र महतो कुशवाहाके हालहीमे प्रकाशित आधा दर्जन बज्जिका किताबके अनेको भारतीय हिन्दी दैनिक अखबारके समाचारमे खूब स्थान देलगेल हए ।

नेपालके बज्जिका गतिविधिके अन्तर्राष्ट्रिय मंचपर खास कके भारतमे खूब चर्चा होरहल एसे प्रमाणित होरहल हए । नेपालके बज्जिकासेवीमे आउर उत्साह बढल हए ।