बज्जिकाञ्चल संवाददाता,रौतहट,३० गते फागुन ।

बज्जिका भाषा आ संस्कृतिके संरक्षण, प्रवर्धन आ विकासके उद्देश्यसे बज्जिकांचल मिडिया प्रालिद्वारा संचालित बज्जिकांचल खबर आजुसे सुरु भेल हए ।
बज्जिकांचल एफएफ कटहरियासे बज्जिकांचल खबर सुरु भेल हए । बज्जिकांचल एफएम संचालनमे अएलाके तुरन्त बाद रेडियोके स्रोतालोगके मागके उच्च कदर करइत एफएमके अपन उत्पादन शनिचरसे बज्जिकांचल खबर सुरु कएलगेल हए ।
बज्जिका संस्कृति आ भाषाके साथे भूगोलके भी प्रतिनिधित्व करेवाला आ एफएमके नामसे भी मिलेवाला हिसाबसे समाचारके नाम राखलगेल हए । एफएमके स्रोता तथा शुभचिन्तक लोगके सुझावके आधारपर ही अपन मास्टर न्युजके नाम बज्जिकांचल खबर राखलगेल हए ।
बज्जिकांचल एफएमके ई मास्टर प्रोग्रामके रुपमे रहल बज्जिकांचल खबर तत्कालके लागि हर साँझ ७ बजे आ सुबहमे भी ७ बजे बजे प्रसारण होएके जानकारी सम्पूर्ण स्रोता आ शुभ चिन्तक लोगके सुझाव आ सलाहके उच्च मूल्यांकन कएल जाई ।
सम्पूर्ण स्रोता, शुभ चिन्तक आ बुद्धिजीवी लोगके साथे बज्जिका भाषी साहित्यकार, शिक्षक, कर्मचारी, सर्वसाधारण नागरिकसे बज्जिकांचल खबर सकारात्मक सुझाव, सलाह आ रचनात्मक आलोचनाके आशा भी करइत हए ।