बज्जिकाञ्चल संवाददाता,रौतहट,३० गते फागुन ।

देशके सबसे लमहर पार्टीके रुपमे पहिलका प्रतिनिधि सभामे रहल नेकपा एमालेके देशभरमे पराजयके बाद रौतहट पूर्णतः प्रतिनिधि विहीन बनल हए । बितल २१ गते भेल प्रत्यक्ष आ समानुपातिक निर्वाचन प्रणाली मिलाके दुनूके रिजल्ट आगेलावाद प्रतिनिधि सभामे रौतहटसे नेकपा एमालेके एकोगो प्रतिनिधि जाए नसकल देखलगेल हए । प्रत्यक्षतर्फ रौतहटमे रहल चारगो सिटमध्ये एकोगोपर नेकपा एमाले एकोगो सिटपर जित हासिल करे नसकल रहे । एहीबिच समानुपातिक मतगणनाके बाद नेकपा एमालेके मिलल १६ सिटके भी एमाले सचिवालय बैठकसे समानुपातिक प्रणालीके प्रतिनिधिके चयन करइत नाम सिफारिस करेके निर्णय कएलगेल हए । नेकपा एमाले रौतहट जिलाके उपाध्यक्ष रुपेश पटेल प्रतिनिधि सभामे समानुपातिक सिटके बाँडफाँटमे रौतहटसे कौनो नपरल जानकारी करएले छत ।