बज्जिका साहित्य समाज सर्लाहीके अध्यक्ष तथा साहित्यकार रामचन्द्र महतो कुशवाहा सर्लाहीमे सम्मानित भेल छथिन् । सन्त रघुनाथ–पार्वती कुशवाहा स्मृति प्रतिष्ठान हरिवन सर्लाहीद्वारा भावशिरोमणि कुशवाहा ऊर्जा आ सिंचाइ मन्त्री जवाहरलाल कुशवाहाके हाथसे सम्मानित भेल छथिन ।

कुशवाहाके माला, अङौछा, दोसल्ला आ प्रेमोपहारसहित सम्मानित कएलगेल हए । प्रतिष्ठानके उदघाटनके अवसरपर बहुभाषिक कविता वाचन कार्यक्रम भी आयोजन कएलगेल जेमे बज्जिका, नेपाली आ मगही भाषाके कविता वाचन कएलगेल । कार्यक्रममे बज्जिका भाषाके १०, नेपाली भाषाके ३ आ मगही भाषाके १ कविता मिलाके १४ कवि अपन कविता वाचन कएले रहलन ।

बहुभाषिक कविता वाचन कार्यक्रम रहलापर भी बज्जिका मातृभाषीके बाहुल्य आ बज्जिका कविके दबदबा कार्यक्रममे रहल रहे । प्रतिष्ठानके उदघाटनके साथे कविता वाचन आ सम्मान कार्यक्रमसे बज्जिका भाषा तथा साहित्यके क्षेत्रमे बहुत सकारात्मक प्रभाव परल सम्मानित व्यक्तित्व साहित्यकार रामचन्द्र महतो कुशवाहाके कहनाम हए । फुलदानी