बज्जिकाञ्चल संवाददाता,रौतहट,२०८२ पुस १९ गते ।

रौतहट सदरमुकाम गौरमे बज्जिका विमर्श सम्पन्न भेल हए । रौतहट जिलाके सदरमुकाम गौरमे अवस्थित ‘घरेलु तथा साना उद्योग कार्यालय’के तालिम कक्षमे बज्जिका विमर्श कार्यक्रम सम्पन्न भेल हए ।

कार्यक्रममे बज्जिका पिकनिक, बज्जिका साहित्य यात्रा आ आगामी दिनमे गौरमे बज्जिका भाषा तथा साहित्यके कार्यक्रम करेके विषयपर विस्तृत विमर्श कएलगेल हए । माघके दुसरका हप्तामे एगो सामुदायिक विद्यालयके ओरसे होरहल कविता प्रतियोगिताके विषयमे भी कुछ विमर्श कएलगेल हए ।

बज्जिका पिकनिकके आयोजनाके जिम्मा बज्जिका साहित्य संगम रौतहटके देलगेल हए । बहुत जल्दी बज्जिका पिकनिकके आयोजना करेके सहमति बनल हए ।

बज्जिका विमर्शसे बज्जिका भाषा, साहित्य आ संस्कृतिके क्षेत्रमे सकारात्मक काम करेके बात भेल हए ।

कार्यक्रममे बज्जिका साहित्यकार विपिनबिहारी सिंह, बज्जिका साहित्य संगम रौतहटके अध्यक्ष किशुनदयाल श्रीकृष्ण, बज्जिका साहित्यकार रुपेश रोदन, बज्जिकाके सेवामे दमदार उपस्थिति जनएले हरिशंकर जयसवाल, बज्जिका अभियन्ता आ साहित्यकार बिन्दा साहनी, बज्जिका भाषाके सेवक सञ्जय साह मित्र आ बज्जिका शुभचिन्तक तथा नेपाली भाषाके साहित्यकार टेकनाथ खतिवडाके सहभागिता रहल रहे । कार्यक्रमके व्यवस्थापन बज्जिकासेवी हरिशंकर जयसवाल कएले रहलन ।