बज्जिकाञ्चल संवाददाता,रौतहट,भदौ १६ गते ।

विश्व बज्जिकाको पहिल दैनिक पत्रिका बज्जिकाञ्चल दैनिक आपन पांचवा वार्षिकोत्सवके अवसरमे आई एक विशेष समारोहके बीच पृष्ठ संयोजक सञ्जय राज महतोके प्रशंसा पत्र प्रदान करइत सम्मानित कएलगेल हए । गत भादो ०१ गते पत्रिका अपन वार्षिकोत्सब मनएलापर कार्यक्रममे उपस्थित होए नसकल महतोके आई पत्रिकाको कार्यालयमे प्रशंसापत्र प्रदान कएलगेल हए ।

सम्पादक दिनेश कुमार श्रीवास्तव आ कार्यकारी सम्पादक तथा सञ्चालक आरके श्रीवास्तवके नेतृत्वमे आयोजित उक्त कार्यक्रममे महतोके इ पत्रिकाके निरन्तर प्रकाशनमे पुगएले योगदानके उच्च मूल्याङ्कन करइत उनकराके प्रशंसा पत्रद्वारा सम्मानित कएलगेल हए ।

प्रशंसा पत्रमे लिखलगेल हए, “बज्जिकाञ्चल दैनिक पत्रिकाके निरन्तर प्रकाशनमे अपने द्वारा कएलगेल कामके उच्च सम्मान करइत, इ दैनिक पत्रिकाके पाचवा वार्षिकोत्सवके अवसरमे प्रशंसापत्रद्वारा अपनेके सम्मानित कएलापर हमनी गौरवके महसुस कररहल छी ।” पत्रिका महतोके योगदानके प्रेरणादायक कहइत आगामी दिनसबमे आउरी सकारात्मक सहयोगके अपेक्षा समेत व्यक्त कएले हए । समारोहमे विभिन्न साहित्यकार, पत्रकार, तथा समाजसेवीसबके उपस्थिति रहल रहे ।

कार्यक्रममे सहभागी वक्तासब बज्जिकाञ्चल दैनिकके निरन्तर प्रकाशन आ बज्जिका भाषाके प्रवद्र्धनमे इ पत्रिका खेलले भूमिकाके प्रशंसा कएले रहे । कार्यक्रमके अन्त्यमे सम्पादक द्वयसे महतोके सुस्वास्थ्य आ सुदीर्घ जीवनके शुभकामना व्यक्त करइत आगामी दिनसबमे आउरी योगदानके अपेक्षा रहल जनएले हए ।