आरके श्रीवास्तव,रौतहट,२८ गते साउन ।

नेपाल विद्यालय कर्मचारी युनियन नगर कार्य समिति फतुवा विजयपुर नगरपालिका विद्यालयके लेखापाल तथा कार्यालय सहयोगीसबके पारिश्रमिक वृद्धि करेला माग करइत कार्यवाहक नगरप्रमुख अम्बेया खातुनके नाममे रहल ज्ञापनपत्र प्रमुख प्रशासकीय अधिकृत

भरत प्रसाद यादवके बुझएले हए । नगर समितिके २०८२ साल भादो २७ गते बैठल बैठकके निर्णय अनुसार बुझावल उक्त ज्ञापनपत्रमे लेखापालसबके प्राविधिक सहायक तृतीय श्रेणी आ कार्यालय सहयोगीसबके निजामती कार्यालय सहयोगी (श्रेणीविहीन) सरहके पारिश्रमिक उपलब्ध कराबेला माग कएलगेल हए ।

हाल नेपाल सरकार लेखापालके रु.१५ हजार आ कार्यालय सहयोगीके रु.१० हजार मात्र मासिक पारिश्रमिक उपलब्ध कराबइत आएल उल्लेख करइत युनियन येइसन तलबमे दैनिक जीवन यापन करेला अत्यन्त कठिन भेल जनएले हए । उक्त माग नगर परिषदसे आगामी बजेट बिनियोजनके क्रममे समावेश करेला अनुरोध कएलगेल हए ।

ज्ञापनपत्रमे युनियनके सचिव महेश कुमार यादव आ अध्यक्ष सुरेश कुमार लामिछानेके हस्ताक्षर रहल हए । विद्यालय कर्मचारीसबके तर्फसे उठावल इ आवाजसे शिक्षा क्षेत्रमे काम कररहल सहयोगी कर्मचारीसबके जीवनस्तर उकास्न सहयोग पुगेके अपेक्षा कएलगेल हए ।